ده مش نص اكتئابي ده كلام لو فعلا فهمته … هتفرح – نهاد رجب
بستغرب الناس اللى متمسكة بالدنيا
بتخاف اوي من الموت
نسيوا انهم كانوا خايفين من الحياة
ومتمسكين بالعدم
في يوم من الايام
ونسيوا ان الموت
هو النهاية الحتمية
هيوصلولها بكل الحالات
ومع ذلك بيخافوا
بيخافوا كل ما اقتربت المدة اللى قضوها في سجن
بتختلف قضبانه من سجن للتاني
ميعرفوش ان الموت هو فرصة افضل
علشان يتولدوا من جديد
سنة السجن ب 9 شهور
وسنة الحمل 9 شهور
هتخرج من الاتنين انسان جديد
مولود من جديد
لحياة
مكونة من حبة ارقام
منها 9 ومنها 7 ، يمكن تقضيها 70 او تخرج منها عفو مبكر
بس هتخرج
وساعتها هتشوف العالم والنور الحقيقي
متخافش منه
ومتتمناهوش
كل لحظة ليك في الدنيا
بيتم تجهيزك
وطوبة للي ربنا بيختاره
ده مش نص اكتئابي
ده كلام لو فعلا فهمته … هتفرح
نهاد رجب
تعليقات
إرسال تعليق